Четверг, 21 октября, 2021
9.1 C
Бишкек

Кыргызстан акча базасынын көлөмү боюнча рекордду жаңылады

Кыргызстан акча базасынын көлөмү боюнча рекордду жаңылады. Бул тууралуу Улуттук банктын маалыматында айтылат. Статистика 1-августка карата берилди.

Акча базасы 155 миллиард 426,2 миллион сомду түздү. Июлдун башындагы рекорд 153,1 миллиард болчу. Кеңири аныктамадагы акча базасы 164 миллиард 557,1 миллион болду. Мурунку рекорддо 160,5 миллиарддан ашык эле. Жүгүртүүдөгү акчанын суммасы 139 миллиард 81,5 миллион сомго жеткен. Ноябрдагы рекорддо 136,3 миллиард сом болчу.

Жүгүртүүдөгү акча — бул калктын каражаты, анда насыя берүүчү уюмдардын кассаларындагы калдыктар да эсепке алынат. Акча базасы — жүгүртүүдөгү акча жана финансы (депозиттик) уюмдарынын резерви. Кеңири аныктамадагы акча базасы — жүгүртүүдөгү акча, ага кошумча Улуттук банкта турган бардык резервдер (чет элдик валюталар жана сом) жана финансы уюмдарынын депозити эсептелет.

ЖООПТУ КАЛТЫРЫҢЫЗ

Сураныч, комментарийиңизди киргизиңиз!
Сураныч, атыңызды ушул жерге жазыңыз

spot_imgspot_img
spot_img

КӨП ОКУЛГАНДАР

байланыштуу макалалар

Яндекс.Метрика