Четверг, 21 октября, 2021
9.1 C
Бишкек

Мамлекеттик салык кызматы жыл башынан бери салыктарды 4,7%га ашык жыйнаган

Жыл башынан бери Кыргызстанда салык пландалгандан 4,7%га ашык жыйналды. Бул тууралуу «Кабар» агенттигиндеги маалымат жыйнында Мамлекеттик салык кызматынын төрагасы Илияз Иманбетов билдирди.

Анын айтымында, январь-август айларында жалпы 66 млрд 131,7 млн сом салык жана төлөмдөр жыйналган. План 104,7%га ашык аткарылган, же 2 млрд 985,3 млн сомго көп жыйналган.

«2020-жылдын ушул мезгилине салыштырмалуу салык жана төлөмдөр 18 млрд 140,9 млн сомго көбөйгөн же өсүү ыргагы 137,8%ды түзгөн.

Анын ичинде республикалык бюджетке 53 млрд 565,7 млн сом суммасында салыктар түшкөн. Аткаруу 105,0%ды түзгөн же 2 млрд 526,9 млн сомго ашыгы менен аткарылган»,-деди ал.

МСК төрагасы жергиликтүү бюджетке 12 млрд 566 млн сом келип түшүп, аткаруу 103,8%ды түзгөн же 458,4 млн. сомго ашыгы менен аткарылган белгиледи.

«Камсыздандыруу төгүмдөрү боюнча 2021-жылдын 8 айында 24 млрд 735,7 млн сом келип түшкөн, белгиленген план 102,6%га аткарылган же 635,7 млн сомго ашыгы менен аткарылган.

2020-жылдын ушул мезгилине салыштырмалуу камсыздандыруу төгүмдөрү 4 млрд 77,6 млн сомго көп топтолгон же өсүү ыргагы 119,7%ды түздү»,-деп кошумчалады Иманбетов.

ЖООПТУ КАЛТЫРЫҢЫЗ

Сураныч, комментарийиңизди киргизиңиз!
Сураныч, атыңызды ушул жерге жазыңыз

spot_imgspot_img
spot_img

КӨП ОКУЛГАНДАР

байланыштуу макалалар

Яндекс.Метрика