Жайыл районунда бүлдүркөн мол түшүм берди. Жергиликтүү жашоочулардын айтымында, жапайы бүлдүркөндөр да жакшы мөмө байлады. Алар бул жылы суу тартыш, күн ысык болсо да жакшы түшүм жыйнаганын белгилешти.
Сосновка, Сары-Булак, Бекитай жана башка айылдардын тургундары таң эрте бүлдүркөн тергени чыгып кетишет. Алар чогултулган мөмөнү түштө Жайыл районундагы базарларга алып келишет. Жапайы бүлдүркөндүн бир килограммы 150-170 сомго бааланат.
«Бүлдүркөндүн 200дөн ашык түрү бар. Кыргызстанда бүлдүркөндүн бир нече түрү өсөт. Анын мөмөсү чоң, ширелүү, кычкыл-таттуу жана абдан пайдалуу. Ал дарылоодо көп колдонулат. Бүлдүркөндү сасык тумоого каршы колдонуп келишет. Анын мөмөсү балдар тамактарына жана диеталык тамак-аштардын курамына кошулат. Ал эми жалбырагын дем алуу органдары ооруганда, какырыкты чыгаруу үчүн колдонулат», — деди биолог Ирина Стежко.