Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Кыштобаева Гульмира Алимбековна социалдык маселелер боюнча райондук мамлекеттик администрация башчыларынын орун басарлары жана Токмок шаарынын вице мэри, Чүй облустук усулдук билим берүү жана райондук билим берүү бөлүмдөрүнүн жетекчилери менен жумушчу кеңешме өткөрдү.
Жумушчу кеңешменин негизинде Чүй облусунун жалпы билим берүү мекемелеринин окуучуларын жалпы республикалык тестирлөөгө, “Алтын тамга” сертификатын алуу үчүн даярдыктарды күчөтүү жана окуучуларга ыңгайлуу шарттарды түзүү керектиги тууралуу тапшырмалар берилди.