Среда, 4 октября, 2023
13.1 C
Бишкек

Россиянын Су-27 менен АКШнын MQ-9 дронунун кагышуусу

Россия Кара деңизде америкалык учкучсуз учак менен болгон окуяны чагымчылык катары баалайт. Бул тууралуу РФтин АКШдагы элчиси Анатолий Антонов билдиргенин РИА новости жазды.
Эскерте кетсек, шейшемби күнү АКШ Куралдуу күчтөрүнүн европалык командачылыгы россиялык Су-27 истребители Кара деңиздин үстүнөн америкалык MQ-9 учкучсуз учагы менен кагышканын кабарлаган. Дрон нейтралдуу сууга кулаган. Окуя болгонго чейин Су-27 «кооптуу» маневрларды жасап жатканы айтылган болчу.
Россиянын Коргоо министрлиги 14-март күнү MQ-9 учкучсуз учагы транспондерлери өчүрүлгөн боюнча Кара деңиз акваториясынын аба мейкиндигин убактылуу пайдалануу режими каралган чек араны бузганын билдирди. Дрон Россия тарапка учкан соң анын чоо-жайын тактоо үчүн асманга истребителдер көтөрүлгөн.
Кескин кыймылдан улам дрон башкарылбай, сууга кулаган. Аскерий ведомство россиялык истребителдер MQ-9 менен конфликтиге барбаганын, курал колдонбостон кайра аэродромго кайтып келгенин белгиледи.
Элчи Антонов аталган маселени мамлекеттик катчынын Европа жана Евразия боюнча жардамчысы Карен Донфрид менен талкуулаган. Дипломат жолугушууну «конструктивдүү» болгонун белгилеп, тараптар кулаган дрон боюнча окуяга тынчсызданганын кошумчалаган.
Элчинин айтымында, АКШ тарап Россиянын «профессионалдуулукка жатпаган» аракеттери боюнча кинесине каршылыгын билдирди.
Ал эми Антонов өз кезегинде америкалык учактар менен кемелер россиялык чек арадан алыс болушу керектигине токтолду. «Ушундай учак же дрон Нью-Йорк же Сан-Францисконун жанына учуп келгенин элестетип көрсөңүз. Америкалык ЖМКлардын, Пентагондун реакциясын элестете аласызбы?» деп суроо салган дипломат.
Элчи АКШ менен Россия Чыгыш Европадагы кырдаалды эске алуу менен өз аракеттеринде өтө этият болушу керектигин белгиледи. Ошол эле учурда ал Москва Вашингтон менен эки элдин кызыкчылыгына жооп бергендей мамиле түзүүгө кызыкдар экенин, АКШ менен жаңжалдашууга барбай турганын кошумчалады.

ЖООПТУ КАЛТЫРЫҢЫЗ

Сураныч, комментарийиңизди киргизиңиз!
Сураныч, атыңызды ушул жерге жазыңыз

spot_imgspot_img
spot_img

КӨП ОКУЛГАНДАР

байланыштуу макалалар

Яндекс.Метрика