Понедельник, 15 августа, 2022
18.1 C
Бишкек

COVID-19. Кыргызстанда кош бойлуу аялдар 22-жумадан тарта эмдөөдөн өтө алат

Саламаттык сактоо министрлигинин буйругуна ылайык, Кыргызстанда кош бойлуу аялдар 22-жумадан тарта эмдөөдөн өтө алат. Бул тууралуу Республикалык штаб кабарлайт.

Маалыматка ылайык, төмөнкү факторлорду эске алуу менен эмдөөдөн өтүүгө болот: дене салмагынын индекси жогору болгон 35 жаштан ашкан аялдар, коштолгон оорулар — кант диабети, гипертония ж.б.

“Окумуштуулардын көптөгөн изилдөөлөрүнө ылайык, COVID-19га каршы вакцина кош бойлуу аялдарда боюнан түшүп калуу коркунучуна таасирин тийгизбейт. Вакциналар тууралуу өз пикириңизди расмий ишенимдүү булактардын негизинде түзүүнү сунуштайбыз”, — деп айтылат маалыматта.

Белгиленгендей, бүгүнкү күнгө чейин дүйнө жүзү боюнча көптөгөн аялдар кош бойлуу кезинде же эмчек эмизүү учурунда COVID-19га каршы эмдөөдөн өтүшкөн жана кош бойлуу аялдар жана алардын ымыркайлары үчүн эмдөөнүн коопсуздугу боюнча эч кандай кооптонуулар аныкталган эмес.

ЖООПТУ КАЛТЫРЫҢЫЗ

Сураныч, комментарийиңизди киргизиңиз!
Сураныч, атыңызды ушул жерге жазыңыз

spot_imgspot_img
spot_img

КӨП ОКУЛГАНДАР

байланыштуу макалалар

Яндекс.Метрика