Жыл башынан бери өнөр-жай ишканалары 205,6 млрд. сомдук продукция чыгарган

Jeenalieva
By Jeenalieva Октябрь 5, 2020 11:51

Жыл башынан бери өнөр-жай ишканалары 205,6 млрд. сомдук продукция чыгарган

5 Кыргызстанда 2020-жылдын 8 ай ичинде өнөр жай ишканалары 205,6 млрд. сомдук продукцияларды чыгаргандыгы  Экономика министрлиги өткөргөн республиканын сегиз ай ичиндеги социалдык-экономикалык өнүгүшүнүн негизги көрсөткүчтөрүнө арналган жыйында айтылды.

Министрликтин маалыматына караганда, физикалык көлөмдүн индекси 100,1 пайыз болду. «Кумтөр» кенинде иштеп жаткан ишканаларды эсепке кошпогондо иштелип чыккан продукциялар 88,3 млрд . сом болуп, физикалык көлөмдүн индекси 90,4 пайызды түздү.

Өнөр-жай өндүрүшүнүн ИДП түзүмүнө салымы 0,04 пайыз деңгээлинде деп бааланууда. ИДП өндүрүмүндө өнөр жайдын салыштырмалуу салмагы 23,0 пайыз.

Өнөр-жай өндүрүшүнүн жалпы көлөмүндөгү эң жогорку салыштырмалуу салмагы иштеп чыгаруучу өндүрүштө 82,7 пайызды түздү. Ушул жылдын январь-август айларындагы продукциялардын көлөмү 170,2 млрд сом суммасында болуп, өткөн жылдын ушул мезгилине карата физикалык көлөмдүн индекси 101,1%ды түздү.

Өсүш негизинен «Кумтөр» кениндеги ишканалардын негизги металлдарды өндүрүү көлөмүнүн көбөйткөнүнө байланыштуу (8 ай ичинде 12,6 пайызга көбөйгөн). Ошол эле учурда «Кумтөр» кенин иштеткен ишканаларды кошпогондо өндүрүш көлөмү төмөндөгөн.

Көптөгөн тармактарда тескери динамика орун алды. Атасак, нефтепродуктуларды өндүрүү көлөмү 56,1 пайызга, жыгач жана кагаз буюмдары, полиграфиялык ишмердүүлүк 15,6 пайызга, желим жана пластмасса буюмдар, металл эмес минералдык продуктулар 14,4 пайызга, текстиль өндүрүү, кийим жана бут кийим, тери жана териден жасалган буюмдарды өндүрүү 23,1 пайызга, тамак-аш продуктуларын (суусундуктарды кошкондо) жана тамеки заттарын өндүрүү 6,5 пайызга көлөмдөрү кыскарды.

Муну менен катар фармацевтикалык продукциялардын өндүрүшү 2,5 эсе, химиялык продукциялар 17,9 пайызга, негизги металлдардын жана даяр металл буюмдарынын өндүрүшү, машиналар менен жабдуулардан башкасы 11,6 пайызга көбөйгөнү байкалган.

Jeenalieva
By Jeenalieva Октябрь 5, 2020 11:51

Приемная кампания 2020

Элдик медицина