Сооронбай Жээнбеков Араб Эмираттарында жашаган мекендештер менен жолугушту

Jeenalieva
By Jeenalieva Декабрь 13, 2019 10:28

Сооронбай Жээнбеков Араб Эмираттарында жашаган мекендештер менен жолугушту

3 Кыргыз Республикасынын Президенти Сооронбай Жээнбеков бүгүн, 12-декабрда Бириккен Араб Эмираттарына расмий визитинин алкагында БАЭде жашаган мекендештер менен жолугушту. Бул тууралуу президенттин аппаратынын маалыматтык саясат бөлүмү маалымдайт.

Мамлекет башчысы мекендештер менен жолугушуп, алар менен актуалдуу маселелер боюнча пикир алышып, жашоосунун шарттары менен таанышып жатканына кубанычта экенин өзгөчө белгиледи.

Араб өлкөлөрүнүн ичинен кыргызстандыктардын эң чоң диаспорасы БАЭде жайгашканын, алардын көпчүлүгү жаштардан турганын белгиледи.

Кыргызстандыктар башка өлкөлөрдүн жарандарынан калышпай, өз максаттарына жетүүгө аракет кылып жаткандарын канааттануу менен баса белгиледи.

Президент БАЭге болгон визитинин жыйынтыктары жөнүндө кыскача айтып берип, жетишилген макулдашуулардын алгачкы жемиштери жакынкы убакта көрүнө баштаарына ишеним билдирди.

Жолугушуу суроо-жооп форматында өттү.

Мекендештер визалык процедураларды жөнөкөйлөштүрүү, билим берүүгө жаңы тил программаларын киргизүү, коррупция менен күрөшүү, медиаресурстардын Кыргызстандан чыгарылып кетти делген акча каражаттары жөнүндө иликтөөсүнө реакция, соттук реформа, билим берүү системасындагы жаңычылдыктар, экономиканы өнүктүрүү, БАЭ менен соода-экономикалык мамилелерди өстүрүү чаралары, мекендештерди колдоо, эмгек миграциясын азайтуу, ишкерлик үчүн шарттарды түзүүгө байланышкан жана башка суроолорду беришти.

Мекендештердин суроолоруна Президент Сооронбай Жээнбеков, расмий делегациянын мүчөлөрү жооп беришти.

Jeenalieva
By Jeenalieva Декабрь 13, 2019 10:28

Приемная кампания 2018

Парламент

Элдик медицина