2018-жылдагы Соцфонддун кирешеси 51 млрд сомдон ашты

Jeenalieva
By Jeenalieva Июнь 21, 2019 11:26

2018-жылдагы Соцфонддун кирешеси 51 млрд сомдон ашты

19 Социалдык фонддун 2018-жылдагы жалпы кирешеси 51 млрд. 13,8 млн. сомду түздү-дейт  Соцфонддун төрагасы Медер Ирсалиев маалымат жыйынында.

Ал белгилегендей, 2017-жылга салыштырмалуу киреше 2 млрд. 101,8 млн. сомго же 4,3%га көп болгон.

“Камсыздандыруу төгүмдөрү 30 млрд. 642,1 млн. сом болуп келип түштү. 2017-жылга салыштырмалуу өсүү 6,6%ды түзгөн. Аскер кызматчыларына пенсиялык төлөмдөргө, жеңилдетилген пенсияларды жана пенсияларга кошумча акыларды төлөөгө, электр энергиясы үчүн компенсациялык төлөмдөргө республикалык бюджеттен милдеттүү бөлүнүүчү каражаттар 2018-жылы 2 млрд. 21,7 млн. сом суммасында келип түштү”, — деди ал.

Ошол эле маалда, Ирсалиевдин айтымында, 2018-жылы Фонддун чыгымдары 50 млрд. 309,7 млн. сомду түзгөн. Ал 2017-жылга салыштырмалуу 3 млрд. 847 млн. сомго көп.

“Былтыркы жылы пенсияларды жана башка социалдык төлөмдөрдү төлөөгө керектелүүчү сумма 2017-жылга салыштырмалуу 3 млрд. 428,4 млн. сомго өскөн”, — дейт Соцфонддун башчысы.

Jeenalieva
By Jeenalieva Июнь 21, 2019 11:26

Приемная кампания 2018

Парламент

Элдик медицина